影片
更多
2021-08-06
198 瀏覽
朋友約去中環食野，不過冇揀定餐廳，諗住行兩圈睇下有咩想食先算。不過係蘭桂坊行上少少，見到呢間餐廳好似裝修幾靚，外貌協會嘅我地最後決定試試佢～入到去餐廳好大好闊落，係度傾計唔錯，人又唔算多，坐得好鬆動。侍應放低餐牌，同我地介紹左有咩招牌野食，睇得出佢地好細心，亦好重視食物既質素。因為唔算好肚餓，最後我地揀咗一個沙律同一個主菜share。個羽衣甘藍沙律上面有parmesan cheese，最特別係有大大粒hazelnut，好脆口，感覺非常之咁健康。主菜係醉雞柳配蘑菇，個雞酒味夠濃，個面亦好脆，襯埋同樣有酒味嘅蘑菇，鍾意食重口味野嘅朋友就讚不絕口，我就覺得稍為淡味少少會更加好。最後當然唔少得再叫兩款甜品先夠喉。我揀咗賣相比較大路嘅lemon tart，食完岩岩咁濃味嘅主菜，的確係需要啲酸酸甜甜嘅味道嚟refresh一下，感覺先至夠圓滿。朋友就揀咗賣相特別啲嘅tiramisu，外層全部由cream包圍，不過食落感覺又唔膩，加埋上面塊脆片好好味，呢個下次可以encore! 💛
入到去餐廳好大好闊落，係度傾計唔錯，人又唔算多，坐得好鬆動。
侍應放低餐牌，同我地介紹左有咩招牌野食，睇得出佢地好細心，亦好重視食物既質素。
因為唔算好肚餓，最後我地揀咗一個沙律同一個主菜share。個羽衣甘藍沙律上面有parmesan cheese，最特別係有大大粒hazelnut，好脆口，感覺非常之咁健康。
主菜係醉雞柳配蘑菇，個雞酒味夠濃，個面亦好脆，襯埋同樣有酒味嘅蘑菇，鍾意食重口味野嘅朋友就讚不絕口，我就覺得稍為淡味少少會更加好。
最後當然唔少得再叫兩款甜品先夠喉。我揀咗賣相比較大路嘅lemon tart，食完岩岩咁濃味嘅主菜，的確係需要啲酸酸甜甜嘅味道嚟refresh一下，感覺先至夠圓滿。
朋友就揀咗賣相特別啲嘅tiramisu，外層全部由cream包圍，不過食落感覺又唔膩，加埋上面塊脆片好好味，呢個下次可以encore! 💛
張貼
