飯丸屋 (灣仔道) (已結業)

台灣都幾出名的飯丸屋原來香港已經有分店！可以說是台灣版的華御結, 仲要即叫即製！喺灣仔繁華街道，平時匆匆經過都冇發現！最近天氣咁好，好適合買來做picnic food ! 賺錢好實惠, 大約$38起跳就有大大個飯團！超多飯，基本上齋食飯團都食夠飽！跟套餐+$20已經有飲品同小食！小食種類繁多而且味道不錯！灣仔區內性價比很高▪️咖喱可樂餅果然係best seller! 首先份量已經好足! 超厚身可樂餅加埋玉子同偽餐肉，仲厚過巨無霸！即叫即炸即可樂餅香脆可口，咖喱加埋滑蛋和芥茉漿令口感好有層次同多元化，啖啖都好滋味！▪️日式炸雞又係超足料，足足有成三件雞塊，雞塊炸得又香又脆，個人比較喜歡吃雞塊，始終有肉感惹味D！加埋玉子燒又滑又嫩半溶的蛋汁同埋午餐肉！豐富又美味！▪️明太子薯條外賣去公園食，估唔到行咗咁耐都仲好香脆，明太子醬汁超好味！店員知我外賣拎走，除咗倒喺面，仲用小盒子裝多啲醬汁俾我！超細心！▪️日式抹茶豆漿真係未試過飲綠茶豆漿，估唔到己有驚喜！個綠茶味道濃郁！同豆漿一齊飲這個組合挺新鮮的！唔伏！值得試吓▪️芝麻豆漿黑芝麻味道濃郁，仲有少少芝麻碎好有口感。