古琴雅苑 (太子集團中心)

營業中

休息中

同屋企人慶祝嚟左呢度食飯☺️好多唔同菜式既中菜，一坐低會有幾款免費嘅開胃菜，之後我哋叫咗個拼盤，醉雞略嫌唔夠酒味，但係啲雞切嘅部位都唔錯，水晶肉都好好食，食落唔會太淡味，好健康既感覺，我仲食咗好多舊，雞絲粉皮比較熱鬧碎，如果份量可以再多啲嘅話會更加好了！我哋係為咗扁皮鴨而過嚟食的，叫咗半隻鴨，但係份量都好多五個人食都夠食，但係個皮一籠就唔係好夠，最後仲追加多左一籠皮。鴨既油脂味唔會過濃，一舊鴨又有肉嘅部份，亦都有皮同油脂味，連埋青瓜同埋其他配料加埋一齊食都唔錯，價錢亦都合理。最後仲叫多咗一條魚，雖然魚肉味好新鮮，亦都好滑，但係有少少俾個醬蓋過咗嗰陣先嚟，但整體嚟講都唔錯。環境方面，當日係假日夜晚，餐廳非常之多人，侍應嘅數量都唔係好夠，所以每次叫侍應泥都要俾少少耐性，但係佢哋嘅態度都好好！衛生方面還好，整體都是滿意的。