影片
更多
2024-04-03
3434 瀏覽
朋友👱🏻♀️話觀塘有一間好美味嘅日本🇯🇵餐廳🍶要帶我去試吓，有朋友👱🏻♀️帶食好嘢，咁我就梗係開心出席啦😋朋友👱🏻♀️同我叫咗 $980 一位 嘅【おまかせ •廚師發辦】【えんげつ】【焔月】包括：- さきづけ、 旬のさしみ、にぎりすし、てまき、すいもの、旬のくだもの- Starter, Seasonal Sashimi, Sushi, Hand Roll, Soup, Seasonal Fruit- 先付、季節剌身、手握壽司、手卷、吸物、時令果物首先，大将（即係大廚/師傅）除咗廚藝好仲對食材、產地等非常 knowledgeable，對每一道菜亦都解釋得詳細，抵讚👍さきづけ鱈魚乾、螢光魷魚、枝豆：全部都幾好味，特別係 螢光魷魚🦑造成魚乾，令味道更加集中👍真鯛真子、螢光魷魚、靜岡蕃茄：真鯛真子即係真鯛魚 マダイ 嘅卵子，味鮮；螢光魷魚🦑新鮮爽滑；静岡県嚟嘅蕃茄🍅鮮甜😋旬のさしみ岩手県 米崎町 雪解真蠔🦪：蠔味濃郁，肉質爽滑；米崎町山上邊嘅積雪溶化流入三陸海岸，真蠔就係喺海邊養殖，融雪水經過山溪滲入各種礦物同養份，真蠔就喺海裏邊除咗吸取海水中營養亦都吸收山溪融雪水嘅各種有益物質，所以味道特別
朋友👱🏻♀️同我叫咗 $980 一位 嘅【おまかせ •廚師發辦】【えんげつ】【焔月】包括：
- さきづけ、 旬のさしみ、にぎりすし、てまき、すいもの、旬のくだもの
- Starter, Seasonal Sashimi, Sushi, Hand Roll, Soup, Seasonal Fruit
- 先付、季節剌身、手握壽司、手卷、吸物、時令果物
首先，大将（即係大廚/師傅）除咗廚藝好仲對食材、產地等非常 knowledgeable，對每一道菜亦都解釋得詳細，抵讚👍
さきづけ
鱈魚乾、螢光魷魚、枝豆：全部都幾好味，特別係 螢光魷魚🦑造成魚乾，令味道更加集中👍
真鯛真子、螢光魷魚、靜岡蕃茄：真鯛真子即係真鯛魚 マダイ 嘅卵子，味鮮；螢光魷魚🦑新鮮爽滑；静岡県嚟嘅蕃茄🍅鮮甜😋
旬のさしみ
岩手県 米崎町 雪解真蠔🦪：蠔味濃郁，肉質爽滑；米崎町山上邊嘅積雪溶化流入三陸海岸，真蠔就係喺海邊養殖，融雪水經過山溪滲入各種礦物同養份，真蠔就喺海裏邊除咗吸取海水中營養亦都吸收山溪融雪水嘅各種有益物質，所以味道特別鮮甜👍
北海道甜蝦：甜蝦切小粒撈埋蝦膏蝦籽，放喺塊脆脆哋嘅小多士上邊再加魚子醬，好味😋
九州鱸魚：鱸魚味道鮮甜，仲撈埋炒香咗脆脆哋嘅鱸魚魚春，口感新穎有趣👍
愛知県象拔蚌配瀨戶內海水雲：爽脆好味👍
蘋果木煙燻大拖羅（リンゴの木の煙おおとろ）配醬油漬中拖羅（醤油漬け中トロ）配 沙甸魚乾，師傅仲即時喺我哋面前煙燻おおとろ，真係好玩又好食🤣，一啖裏邊同時有不同方法炮製嘅大拖羅中拖羅沙甸魚乾，層次極豐富👍
にぎりすし
嚟自九州嘅赤魷魚🦑壽司🍣；呢度係用 新潟県 越光米 コシヒカリ，一種我非常喜歡食嘅米，粒粒肥嘟嘟脹卜卜充滿米香，咁當然都要識得煮靚飯先得啦🤣
春子鯛壽司🍣：春子鯛用時令嘅櫻花樹葉醃咗一晚，有季節嘅感覺😋
池魚壽司🍣：嚟自九州嘅池魚味道好鮮甜，上邊又加咗蔥蓉😋
北海道馬糞海膽：師傅話海膽係喺 北方四島 附近海域捕獲，咁可能係 Sea of Okhotsk 鄂霍次克海👍；海膽 非常新鮮非常 creamy 非常美味🤣
牡丹蝦壽司🍣：牡丹蝦頗為巨型，肉質爽滑鮮美，特別之處係師傅將牡丹蝦膏壓平再用火槍燒變成又薄又脆脆哋嘅一片，放喺牡丹蝦壽司🍣上邊，又靚又好食😋
之後仲將牡丹蝦頭炸香，非常脆卜卜，好香口，亦感覺唔油膩👍
てまき
吞拿魚腩手卷：師傅首先將ネギトロ吞拿魚蓉同埋香蔥同埋米飯加入個碗裏邊，跟住最特別就係將一片「吞拿魚皮下脂肪」用火槍將油燒出嚟滴落個碗裏邊，然後撈勻，再然後用紫菜包成手卷😋；ネギトロ 因為有吞拿魚魚油，所以勁甘香勁好味👍
茶碗蒸：夠晒滑
すいもの
魚湯：超級好飲😋，因為廚師將魚頭魚尾魚骨要嚟煲湯，然後連湯打碎 blending、過濾，然後再煲過，所以魚頭魚骨同埋黐住嘅魚肉全部精華入晒湯裏邊，味道勁濃郁超鮮甜👍
旬のくだもの
江戶前玉子、福岡士多啤梨🍓、綠茶蕨餅
非常美味非常滿足嘅一餐😋
張貼
