麻辣風雲 (已改名) 查看

前陣子同朋友食過，印象唔錯，價錢又唔貴呢晚就再同屋企人過黎試下，中式嘅設計真係特別靚，古色古香。乾煸四季豆炒過嘅四季豆顏色仲係好翠綠，口感清脆軟嫩。拔絲咕嚕肉賣相不錯，糖絲整到好幼好脆咕嚕肉肥瘦適中，酸酸甜甜好好味。海鮮脆米炒飯飯身炒得乾身，完全無果種油膩感，配上海鮮，再加埋啲脆米，口感不錯。黑糖脆炸糍粑炸糍粑煙煙韌韌，黑糖同花生粉融合一起甜而不膩。水蜜桃雜果茶打咭一流，二人份量，唔會太甜，好正。