影片
更多
2019-10-22
27 瀏覽
記得兩年前行過戲曲中心呢個位，果時都係起緊階段。事隔兩年，終於有機會可以黎，今次係睇《再生‧緣》。由於早到，所以決定同朋友先醫一醫個肚。見到有間食燒鵝嘅餐廳，朋友話呢間之前雜誌有介紹過，係鼎爺同棋哥嘅餐館，以鼎爺靚湯配上棋哥靚燒鵝聞名。所以我地決定去試下。門口懷舊鐵閘很有風味，像舊時雜貨店，但閘內不是老人店主與乾貨，而是新式的餐廳。原諒我是一個藝術人，對璧畫同埋懷舊海報情有獨鍾。我地兩個人，朋友話呢度出名係鵝、雞、椰皇燉嫩雞、杏汁白肺湯同埋奶茶。所以我地就索性每樣都叫啲試下。先來第一味椰皇燉嫩雞，個湯用一層紙封住，保持新鮮。打開時見到奶白色的椰汁湯，底部有嫩滑雞塊，個湯十分清甜，雞味與椰子味混合，味道不鹹，值得一試。飲完湯後就開始食頭盤秘製叉燒，以前食叉燒，大家中伏不外乎肥叉太肥膩，而瘦叉乾蹭蹭。 但呢間食店，佢叉燒肥瘦比例好，而且大塊，加上蜜汁，令瘦肉、肥膏同埋蜜汁一齊係口裡面，正。食完叉燒之後就黎左碟切雞配瀨粉，切雞一句，就係「嫩滑」。佢嘅瀨粉晶瑩剔透，有質感，硬度適中，不太稔。至於燒鵝髀飯，由於佢個餐牌寫明係用柴火煙熏，所以燒鵝隱約有一陣柴木嘅味，燒鵝肉質嫩厚，啖啖肉。朋友話，佢
門口懷舊鐵閘很有風味，像舊時雜貨店，但閘內不是老人店主與乾貨，而是新式的餐廳。
原諒我是一個藝術人，對璧畫同埋懷舊海報情有獨鍾。
我地兩個人，朋友話呢度出名係鵝、雞、椰皇燉嫩雞、杏汁白肺湯同埋奶茶。所以我地就索性每樣都叫啲試下。
先來第一味椰皇燉嫩雞，個湯用一層紙封住，保持新鮮。打開時見到奶白色的椰汁湯，底部有嫩滑雞塊，個湯十分清甜，雞味與椰子味混合，味道不鹹，值得一試。
飲完湯後就開始食頭盤秘製叉燒，以前食叉燒，大家中伏不外乎肥叉太肥膩，而瘦叉乾蹭蹭。
但呢間食店，佢叉燒肥瘦比例好，而且大塊，加上蜜汁，令瘦肉、肥膏同埋蜜汁一齊係口裡面，正。
食完叉燒之後就黎左碟切雞配瀨粉，切雞一句，就係「嫩滑」。
佢嘅瀨粉晶瑩剔透，有質感，硬度適中，不太稔。
至於燒鵝髀飯，由於佢個餐牌寫明係用柴火煙熏，所以燒鵝隱約有一陣柴木嘅味，燒鵝肉質嫩厚，啖啖肉。朋友話，佢覺得個飯都好值得推介，原因我都認同，因為佢粒粒分明，但軟身，好似海綿咁。
油菜，爽甜。
臨走前，我同朋友叫左一人一支飲品，因為我怕奶茶好似出面茶餐廳賣嘅咁甜，所以我寧願要涼茶。但朋友飲完之後話有好香嘅茶味，唔甜，且有少少回甘味。我即刻拎黎試下，發現仲有好香嘅奶味，非常唔錯。
總括而言，呢餐我地非常滿意。好耐無食咁高質既燒味了。
臨走前影低個餐牌，下次有朋友黎戲曲中心會推介俾佢地。
後記：由於家母偏好靚湯，睇完戲曲後特登外賣一碗返去孝敬下，仲WhatsApp影張相話佢知等佢開心下。
張貼
