Just Steak by Cow Bean

營業中

休息中

星期日諗住同屋企人出街食午餐，唔好再飲茶，行過呢間見到有weekend lunch Menu，又未試過就入咗嚟試吓。老竇食咗個鯖魚炸蝦烏冬，佢話鯖魚好腥，但係炸蝦都OK。媽咪食咗個牛肉壽喜燒定食，有三片牛肉，食落嘅味道就係茶餐廳照燒汁，超級超級甜。我食咗個牛肉黑松露鐵板飯，上嚟啲牛係全生，等啲牛熟嗰陣時，洋蔥同粟米已經燶晒。個飯好油，完全冇落鹽，靠啲汁調味，但係啲汁太稀，倒咗上去蒸發晒。仲叫咗個凍滴咖啡，飲落去又係好甜，奶精味好重，同即溶咖啡冇分別，一個set $100嚟講，佢都算係我食過最難食。原來香港而家嘅物價變做咁，唔怪得知啲人去食兩餸飯就算。