影片
更多
2021-07-16
994 瀏覽
都成年冇食過呢間既自助餐 之前成日都會黎食 從來都冇失望過 之前食既全時段自助晚餐價錢都唔平 但個價錢同返食物既質素比 絕對係值得 今次難得見到社交平台有優惠 食全時段自助晚餐只係每人四百幾 仲可以仼飲紅酒同白酒 另外每位仲送翡翠蠔皇鮑魚一隻 見到咁抵又咁耐冇食 梗係要帶屋企人去試下啦 我地係平日星期四夜晚六點準時去到餐廳 當時餐廳都未full晒 仲有好多位淨 但去到八點既時候就開始full左 都幾多人食 首先 一去到我地先食下啲海鮮先 海鮮既款式其實都有好多款 有蟹腳 海蝦 蜆 兩款青口 仲有生蠔 海鮮全部食落都好新鮮 特別係蟹腳 食落好鮮甜 啲肉都幾實肉 我地都覺得係咁多款海鮮入面最好味 之後就係海蝦 又係好新鮮好好味 其他海鮮我就冇試 但屋企人就話麻麻地 食落冇味 不過餐廳都會不停refill啲海鮮 唔會話冇晒 唯一要排隊拎既海鮮就係生蠔 不過都好快 幾分鐘就拎到 每次每人限拎兩隻 但就好細隻 同埋食落又係冇味 海鮮仲有熱食既即整既芝士龍蝦 呢個又係勁多人排隊 排既時間仲要比較幫 我地就對龍蝦冇乜興趣 不過都拎左隻黎試下 咬落去好硬身 好難先咬得到 呢個可以唔洗晒時間排隊拎 另外
我地係平日星期四夜晚六點準時去到餐廳 當時餐廳都未full晒 仲有好多位淨 但去到八點既時候就開始full左 都幾多人食
首先 一去到我地先食下啲海鮮先 海鮮既款式其實都有好多款 有蟹腳 海蝦 蜆 兩款青口 仲有生蠔 海鮮全部食落都好新鮮 特別係蟹腳 食落好鮮甜 啲肉都幾實肉 我地都覺得係咁多款海鮮入面最好味 之後就係海蝦 又係好新鮮好好味 其他海鮮我就冇試 但屋企人就話麻麻地 食落冇味 不過餐廳都會不停refill啲海鮮 唔會話冇晒 唯一要排隊拎既海鮮就係生蠔 不過都好快 幾分鐘就拎到 每次每人限拎兩隻 但就好細隻 同埋食落又係冇味 海鮮仲有熱食既即整既芝士龍蝦 呢個又係勁多人排隊 排既時間仲要比較幫 我地就對龍蝦冇乜興趣 不過都拎左隻黎試下 咬落去好硬身 好難先咬得到 呢個可以唔洗晒時間排隊拎 另外 刺身都有好多款 我地試左 三文魚 魷魚 八爪魚 都好新鮮 好好味
熱食方面 感覺上比之前少左啲款式 好似冇乜選擇 都係有一堆燒物同炸物 燒物有鹽燒雞串 燒鰻魚 燒鯖魚燒茄子 呢啲就普普通通啦 有個係燒和牛 呢個幾好食 炸物有炸天婦羅 有炸蝦 南瓜 蕃薯 佢既炸天婦羅炸得唔錯 幾好味 另外有個係黃金炸排骨 即係用鹹蛋黃黎炸 呢個好好味
熱食仲有啲燒春雞 比目魚 牛舌 芝士意粉 仲有其他熱食 都幾好味 但就冇乜特別 最吸引既都係即煎既鴨肝多士 入口即溶 好好味 不過又係要排隊 但真係好好味 仲有就係師傅即場切既肉眼 燒腩肉同埋羊架 呢三樣野輪住出 味道都唔錯
甜品方面 佢地既選擇真係好多 今次係比得兔做主題 好多甜品賣相都好令 仲有個甜品櫃擺滿晒一杯杯既甜品 我地試左黑芝麻千層酥 味道麻麻 千層酥都係中意芒果多啲 藍莓芝士餅同埋意大利芝士蛋糕唔錯 啲甜品多到試唔晒 佢另外仲有涼粉同仙草凍 仲有好多配件俾你自己加上去 有黑珍珠 小丸子 紅豆 芒果爆珠 同埋紫薯芋丸同埋地瓜芋丸 啲配料全部都好煙韌 但大部分都好甜
飲品方面 以前係自己沖黎飲 今次係有職員幫你斟 有朱古力 奶茶 檸檬茶 柑桔綠茶 應該係用粉開出黎既 味道真係麻麻 飲落好甜
整體黎講 熱食既食物款式冇以前咁多選擇 但海鮮同甜品都有好多款式 而且味道都算唔錯 價錢都算合理 值得一試
張貼
