越滋味 (已結業)

記得上次嚟都一年幾前﹐比個無禮貌又粗魯既4眼呀姑激到我死﹐果刻諗住永遠唔再幫襯﹐今次放假行街行到累又想食越南嘢﹐咁比多次機會佢啦。老實講﹐上次嚟D嘢食味道普通(味精多﹐不過都係HK食店既文化)﹐勝在價錢平(銅鑼灣區)﹐但係個員工4眼呀姑真係過份無禮貌﹐今次經過見個無禮貌4眼呀姑唔喺度就一於入去喇﹐食食下比我八到原來轉咗老細﹐以後CWB多翻一個食點 。講翻嘢食﹐今次點咗茄汁牛腩飯﹐火車頭粉﹐馬拉棧抄通菜(如果有耶菜苗就好喇 )。茄汁牛腩飯正 - 唔係果D擺D牛腩上飯再加D茄汁上面果D﹐茄汁唔太酸唔太甜好味道﹐牛腩好林﹐只係太多牛腩皮而太少牛腩肉﹐我同個職員講﹐佢即刻叫廚房攞咗一碗仔淨腩比我 - 讚!! 火車頭粉 - 第一次見越南粉會落菜芯 。 講真湯底唔夠厚﹐但係總好過多味精﹐牛肉唔"鞋"﹐都算ok.馬拉棧抄通菜 - 味道唔錯﹐都係果句﹐有耶菜苗就好喇 最後﹐員工有禮貌有效率﹐值得再讚!! P.S. 凍檸檬茶好好飲﹐加油!下次會post相