嗦爸螺螄粉

營業中

休息中

螺絲粉係唔係起源於廣西柳州我就唔知，不過應該唔係喺汕頭….. 或者元朗閣？不過我淨係知道螺絲粉越臭，就越好味。最好離開幾條街都聞到就最正啦。呢間 嗦爸 嘅裝修真係打破咗好多祖國嘅想像空間，光猛乾淨，線條前衛。聽講佢啲豬骨湯配料好多，先飲為敬。蘿蔔乾炸腐竹酸筍花生腐皮筍絲木耳…. 差唔多成間雜貨鋪擺晒上去。武林一絕就係佢哋嘅炸蛋。香口邪惡，但係咬落空氣感強，富有蛋味道。唔好睇佢大大個，睇落真係好大個，食完好似食咗空氣咁。唔怕熱氣嘅，可以一人食一個。就係因為佢哋嘅空氣炸蛋，造就咗留肚食埋佢哋嘅招牌豬手。又係皮脆到不得了，但係又唔係覺得好油膩，滿滿嘅骨膠原，附帶嘅甜醋，回味無窮。佢哋嘅串燒炸物，都好香口，用料都唔錯。