影片
更多
2019-05-10
86 瀏覽
如果你自問係一個「好蟶」之人，你就唔可以錯過蒲田了，因為莆田係以食蟶子出名，我作為一個「好蟶」之人，當然要去朝聖啦！先讚下蒲田坐位一個貼心安排先，就係枱下預備咗個籃俾客人裝住客人隨身物品，食緊野嘅時候就唔會頂住頂住，雖然只係一個好簡單嘅籃，但唔係好多餐廳做到！言歸正傳，第一菜，先嚟啖湯潤一潤喉先：紅菇鮮蟶湯，可能係紅菇嘅原故，所以湯係呈淡紅色，湯同蟶子嘅數量都足夠2個人分量有餘，主角蟶子隻隻都好肥美，湯係以蟶子煲成，所以湯非常之鮮甜！第二道菜係蒜蓉蒸蟶子，原本已經好鮮味嘅蟶子再配上蒜蓉，簡直就係蒸魚加美極豉油一樣！即係點？勁夾囉！蒜蓉配好多海鮮都好夾，蟶子都唔例如～第三道菜係鐵板鹽焗蟶子，見佢係銷量冠軍，當然要order嚟試下，可以係鐵板焗嘅關係，蟶子口感比較乾身，有咬口，第一次食咁樣嘅蟶子，幾特別，值得一試。最後一道同蟶子有關嘅菜，亦係我覺得全晚最好味嘅菜 - 花雕蒸蟶子，未食之前已經嗅到好香，好重嘅花雕味，另外，佢嘅賣相都好討好，一支支排放喺盅入面。入口除咗蟶子嘅鮮味，仲有花雕嘅香味，一絕。蒲田除咗蟶子好食之外，仲有其他小菜都唔錯，例如當晚試過嘅荔枝咕嚕肉、興化炒米粉、莆田扁肉湯、
先讚下蒲田坐位一個貼心安排先，就係枱下預備咗個籃俾客人裝住客人隨身物品，食緊野嘅時候就唔會頂住頂住，雖然只係一個好簡單嘅籃，但唔係好多餐廳做到！
言歸正傳，第一菜，先嚟啖湯潤一潤喉先：紅菇鮮蟶湯，可能係紅菇嘅原故，所以湯係呈淡紅色，湯同蟶子嘅數量都足夠2個人分量有餘，主角蟶子隻隻都好肥美，湯係以蟶子煲成，所以湯非常之鮮甜！
第二道菜係蒜蓉蒸蟶子，原本已經好鮮味嘅蟶子再配上蒜蓉，簡直就係蒸魚加美極豉油一樣！即係點？勁夾囉！蒜蓉配好多海鮮都好夾，蟶子都唔例如～
第三道菜係鐵板鹽焗蟶子，見佢係銷量冠軍，當然要order嚟試下，可以係鐵板焗嘅關係，蟶子口感比較乾身，有咬口，第一次食咁樣嘅蟶子，幾特別，值得一試。
最後一道同蟶子有關嘅菜，亦係我覺得全晚最好味嘅菜 - 花雕蒸蟶子，未食之前已經嗅到好香，好重嘅花雕味，另外，佢嘅賣相都好討好，一支支排放喺盅入面。入口除咗蟶子嘅鮮味，仲有花雕嘅香味，一絕。
蒲田除咗蟶子好食之外，仲有其他小菜都唔錯，例如當晚試過嘅荔枝咕嚕肉、興化炒米粉、莆田扁肉湯、冰鎮飽魚等等。以蒲田嘅服務、食物、環境嚟講 ，絕對值得我encore同介紹俾其他「好蟶」朋友。
4 瀏覽
0 讚好
0 留言
張貼
