桔梗 (已結業)

朋友話之前黎過下午茶感覺唔錯，特登要試埋個晚飯，六點幾去到發覺都幾多人，好彩都仲入到，但最好就係book定位～食咗個好豐富嘅二人套餐，其實以我地嘅食量，絕對夠三個人食！炙燒吞拿魚有芥末汁同蛋黃醬，入口傳來陣陣炙燒香氣，真係越食越想食！炸雞肉夠嫩又夠Juicy，外層粉漿唔會太厚，脆卜卜熱辣辣，點台式五味醬，好味！京蔥檸檬味豬腩層層分明，一層肥一層瘦，燒得剛好，咬落有油脂香但唔會太過肥膩，一片一口咁樣食，特別香口惹味！極力推介呢個明太子醬炒鮮魷魚，用上土魷伴炒香嘅明太子醬，食落有咬口之餘有一種粉嫩嘅感覺，魷魚香入口後慢慢滲透出嚟，配搭夠晒特別，係我同朋友都舉腳贊成下次黎要encore的！套餐仲包兩碗茶漬飯，一碗有大量明太子，另一碗有香港人至愛嘅三文魚，泡飯粒粒飽滿吸滿湯汁，配上吸睛嘅流心蛋，超好味道！最後有原個檸檬芝士撻，加咗而家好Hit嘅蔴糬喺中層，帶嚟多一種口感之餘，仲可以中和檸檬撻嘅酸度，係一個唔錯嘅甜品。