秀韓國餐館 (已結業)

星期六要返工, 放工就去尖咀搵老友食餐晏, 問佢有咩介紹, 佢就話不如來呢間試試丫.第一次經過門口時(約一點幾啦)見落晒閘, 心唸唔係咁快執左嘛, 老友話早幾日先見到喎.... 接埋老友之後再走過去, 今次就真係開左門喇, 原來佢地差唔多成兩點先開架.兩個人, 點了一個石頭鍋飯同一個冷麵. 石頭鍋飯上檯時好熱辣辣, 幾好, 但同明洞屋比又差了一點點. 個冷麵的賣相都唔錯, 亦低估左佢的辣度, 越食越辣, 老友已放棄了, 但食食下, 可能個醬汁除左辣之外又酸酸地, 冷麵夠煙靭, 習慣了個辣度之後就越食越想食, 結果俾我清晒.可能因小本經營關係, 前菜只有兩碟(泡菜同芽菜), 同隔離d鋪頭無得比, 而且只有一位韓國女子(而且佢中文應該麻麻地)在樓面招呼, 間唔中會有一位韓亞姐幫手出菜, 所以招呼就真係唔太夠細心. 另外在menu中見有好多菜式都係夜晚先有得供應, 有機會都可以再來一試呢!!