Boholic

營業中

休息中

突然想食靚靚嘅西餐廳，依家係一個唔錯嘅選擇，佢有兩層，地下嗰層有好多好靚嘅裝飾，最適合鍾意影相打卡嘅女仔。而上層就比較安靜，想兩個人靜靜地食飯嘅話亦都好合適。首先，我地嚐咗叫左芝士焗澳洲薯皮。芝士香濃，搭配薯皮嘅脆口，絕對係一道開胃嘅前菜。然後，美式BBQ醬烤焗西班牙豬肋骨配洋蔥圈都好正豬肋骨肉質鮮嫩多汁，配上烤得恰到好處嘅洋蔥圈，仲會有沙律菜作為配搭。而開心果奶蓋疏乎厘班戟。班戟軟滑，淋上開心果奶蓋，香氣撲鼻，綿密滑順，仲會有好多開心果粒。而飲品方面，我覺得佢嘅沙冰同奶酪都好正。士多啤梨牛油果沙冰有清涼爽口嘅沙冰配上新鮮士多啤梨同牛油果，清新怡人，正好解渴。而特製白桃奶酪為今次用餐劃上完美句號。奶酪滑順細膩，桃香四溢。