東京チカラめし

營業中

休息中

有消費券買嘢特別開心😆，今日過嚟旺角買完對新跑鞋後，經過呢間日式丼飯，食返個午餐先。我點咗：🌱雲抹日式綠茶（無糖）$16原支冰冰凍凍，十分解渴。🍱生姜燒豚肉定食$65 加温泉玉子$15定食已包括：日式沙律🥗、生姜燒豚肉🐖、麵豉湯🥣及白飯🍚；豚肉以洋蔥、薑汁、味醂、豉油、酒一齊炒，好惹味。沙律係：日式椰菜絲沙律🥗，定食有蔬菜，幾好呀，營養均衡。我加咗隻温泉蛋🥚，放入白飯拌勻一齊食，好滋味架，真係成碗飯食晒😆😋。這間日式🇯🇵丼飯連鎖店，唔單止價錢實在，環境亦都乾淨企理。