八合里牛肉火鍋

營業中

休息中

🐻八合里終於來香港開店啦！唔使舟車勞頓都可以食到一餐美味既牛肉火鍋，🐻👩🏻🐻👨🏽知道左就飛奔去沙田既首店過下牛癮。🐻首店位處地點方便的沙田市廣場，一到門口就見到一排排新鮮牛肉，師傅手操手刃將不同部位分割，一碟碟送上客人面前，同深圳店如出一轍。🐻👨🏽睇完餐牌發現除左牛肉外，更有不少海鮮小食熟食，就點左碟小食潮汕殼桃粿試下，外皮脆香，入口軟糯，一甜一咸，相當有潮汕特色。🐻湯底揀了原味牛骨湯底，鍋底有牛腩蘿蔔粟米等，然後店員就係我哋面前加入牛骨湯，湯汁鮮味清甜。牛肉就點左鮮切肥牛同精品雪花，每碟都粉嫩鮮紅，油花十足，放入鍋底十來秒撈起，再沾上醬料櫃自行混合的醬料，真係食得過癮。牛筋丸同牛肉丸都必食之選，口感彈牙滿滿肉汁，🐻👨🏽真係食左幾粒都唔夠喉。🐻👩🏻突然想食蝦，🐻👨🏽就叫左鮮活九節蝦比🐻👩🏻食，睇到蝦身由烏黑燙成橙紅就起鍋脫殼，蝦肉彈牙鮮甜，十分新鮮。食完肉自然要少少菜調和下，點左個菌菇拼盤有幾種菇類，每種都味鮮爽脆，配上清甜的牛骨湯剛剛好。🐻八合里香港首店食物質素完美還原深圳店，坐位舒適寬闊，可以免去車程時間在香港品嘗到八合里高品質的牛肉，對牛魔王的我哋真係一大喜訊。