影片
更多
2020-06-26
287 瀏覽
今日嚟左呢間餐廳食個early dinner，點知極度失望。餐廳座位尚算舒適，枱同枱之間都隔得開，唔會話好迫。我地嗌左一碗蕃茄牛腩粗麵，10分滿分嘅話，佢得3分。首先啲粗麵係極度難食。啲麵唔只係淋，直情係糊哂，一pat嘢咁，啲麵係咪煮左半個鐘? 牛腩有4舊，都幾淋，一咬就咬得開，但有陣騷味。蕃茄湯底都ok，都夠蕃茄味，3分就係俾個湯底嘅。跟住嚟左個鹽酥雞，呢個有7分。個雞炸得幾脆，幾香口，無乜味，唔係好夠咸，好彩上面有一大pat蒜泥，撈埋嚟食都有幾好味。嗌左杯芋香latte，呢杯嘢得2分，淡如水，無乜奶味，少少芋頭味，完全唔掂。之後發現原來佢係開粉沖嘅，(個職員係我隔離位 揭開張凳攞咗包寫住香芋粉去廚房)我寧願出去奶茶店買， 好飲過佢好多。最後叫佢上埋個甜湯啦 ， 即係有芋圓珍珠紅豆同仙草嘅糖水，好難食，10分得1分。佢碗嘢好大，係for 兩個人食嘅，佢個甜湯底係深啡色， 以為係黑糖煮㗎啦，但係完全冇黑糖味， 似係就咁熱水加埋啲白糖， 都唔知有冇煲過嘅 ，好少嘅甜味，好稀好淡。仙草有三塊，好淋，紅豆硬嘅，珍珠ok芋圓佢有兩隻色淺黃同紫色，極度難食，淺黃色唔知係咪地瓜圓完全冇地瓜味， 出
餐廳座位尚算舒適，枱同枱之間都隔得開，唔會話好迫。
我地嗌左一碗蕃茄牛腩粗麵，10分滿分嘅話，佢得3分。
首先啲粗麵係極度難食。啲麵唔只係淋，直情係糊哂，一pat嘢咁，啲麵係咪煮左半個鐘? 牛腩有4舊，都幾淋，一咬就咬得開，但有陣騷味。蕃茄湯底都ok，都夠蕃茄味，3分就係俾個湯底嘅。
跟住嚟左個鹽酥雞，呢個有7分。個雞炸得幾脆，幾香口，無乜味，唔係好夠咸，好彩上面有一大pat蒜泥，撈埋嚟食都有幾好味。
嗌左杯芋香latte，呢杯嘢得2分，淡如水，無乜奶味，少少芋頭味，完全唔掂。之後發現原來佢係開粉沖嘅，(個職員係我隔離位 揭開張凳攞咗包寫住香芋粉去廚房)我寧願出去奶茶店買， 好飲過佢好多。
最後叫佢上埋個甜湯啦 ， 即係有芋圓珍珠紅豆同仙草嘅糖水，好難食，10分得1分。
佢碗嘢好大，係for 兩個人食嘅，佢個甜湯底係深啡色， 以為係黑糖煮㗎啦，但係完全冇黑糖味， 似係就咁熱水加埋啲白糖， 都唔知有冇煲過嘅 ，好少嘅甜味，好稀好淡。仙草有三塊，好淋，紅豆硬嘅，珍珠ok芋圓佢有兩隻色淺黃同紫色，極度難食，淺黃色唔知係咪地瓜圓完全冇地瓜味， 出面係軟林嘅但係入面係粉狀嘅，有少少甜味，咬完都唔知食緊啲乜。 紫色芋圓一樣，出面軟嘅入面係粉粉哋嘅，我真係未食過咁難食嘅芋圓。
呢間所謂台灣食店，牛肉麵唔ok，芋圓糖水又唔得 ，連嘢飲都難飲嘅， 睇得出去佢完全冇心冇誠意去整嘢食，浪費曬啲食材，真係唔會再幫襯。
張貼
