影片
更多
2019-01-13
795 瀏覽
尖沙咀應該係成個香港區裏面最多韓國餐嘅地方，要炸🐥有炸雞，要燒肉有燒肉，不過我最鍾意食韓國料理，樣樣都有啲，唔洗獨沽一味。韓國街就固然之多選擇啦，喺隔離嘅金馬倫道都有一間屹立左好耐嘅本家韓國料理餐廳，等同伴講其實都幾好食，不過價錢就有啲貴。食得起就要試喇😝地下會有個職員幫你帶位上一樓，星期日夜晚八點都唔係好多人，上到去就已經可以入座啦，店面設計簡約，淨係見到每張枱上面會有一個抽油煙機、鐵板烤肉爐，最特別係每張枱上面都會有一棵蘭花擺設，別具優雅。雖然見到餐牌上面有好多唔同嘅烤肉/烤肉餐可供選擇，但係今次上嚟係試韓國料理所以都忍痛排除左😂正當15/16諗緊食咩之際，見到隔離枱兩個韓國女人傾計傾得好開心，仲見到枱上面有一鐵板燒燒下好似幾特別，就點左一個。因為朋友係男士驚唔夠飽叫多個海鮮蔥餅。中間燒緊果個就係石板牛肉八爪魚🐙，側邊圍住就係前菜七小碟（我見都有人介紹過呢度就唔長講啦）。入面嘅八爪魚係細細隻嘅八爪魚仔，除咗有牛肉之外仲有少少薄切五花腩肉，仲有啲洋蔥紅蘿蔔嘅配菜，再加上自製醬汁，聞起嚟好香令人垂涎三尺🤤大家都應該見到肉嘅上面都有黐住辣椒🌶️碎，對於鍾意食辣嘅人一定係最好嘅推介。用鐵板燒
地下會有個職員幫你帶位上一樓，星期日夜晚八點都唔係好多人，上到去就已經可以入座啦，店面設計簡約，淨係見到每張枱上面會有一個抽油煙機、鐵板烤肉爐，最特別係每張枱上面都會有一棵蘭花擺設，別具優雅。
雖然見到餐牌上面有好多唔同嘅烤肉/烤肉餐可供選擇，但係今次上嚟係試韓國料理所以都忍痛排除左😂正當15/16諗緊食咩之際，見到隔離枱兩個韓國女人傾計傾得好開心，仲見到枱上面有一鐵板燒燒下好似幾特別，就點左一個。因為朋友係男士驚唔夠飽叫多個海鮮蔥餅。
石板牛肉八爪魚
36 瀏覽
0 讚好
0 留言
入面嘅八爪魚係細細隻嘅八爪魚仔，除咗有牛肉之外仲有少少薄切五花腩肉，仲有啲洋蔥紅蘿蔔嘅配菜，再加上自製醬汁，聞起嚟好香令人垂涎三尺🤤大家都應該見到肉嘅上面都有黐住辣椒🌶️碎，對於鍾意食辣嘅人一定係最好嘅推介。用鐵板燒住令到醬汁慢慢比八爪魚、牛肉同五花腩吸收，其實會越食越辣。採用細隻嘅八爪魚鮮嫩爽口唔會太韌👍🏻牛肉入口溶化😊五花腩新鮮咬落爽脆，唔會一陣豬酥味😋😋燒到咁上下洋蔥同紅蘿蔔都已經入晒味好好食。
隨八爪魚跟多一細碟泡菜，泡菜食落似自家醃制唔會太鹹或者太酸。
海鮮蔥餅
13 瀏覽
0 讚好
0 留言
我哋兩個食到真係好飽都完全食唔晒，順帶一提，店員見到燒到咁上下會主動幫你熄火，唔會令到燒窿。全個樓面都係韓國人，溝通上係有少少困難，但係佢哋都好熱心咁聆聽你嘅需要同埋會介紹食物，係一個好好嘅食韓國料理經驗，一定要再試呀👯♀️👯♀️
張貼
