Yadllie Plate 야들리애플래이트 (兆萬中心)

呢間餐廳值得一試！除了因為六點前結帳有七折優惠，性價比超高外；還因為環境舒適，啱晒我哋幾個老友坐耐些。而且食物好食，仲有互動感十足嘅用餐體驗，絕對係午市搵靚野食嘅好選擇！🏅莫索里拉芝士排骨～店員親自在枱邊開火爐煮芝士，香氣撲鼻，睇住溶化嘅芝士包住啖啖肉排骨，食落口簡直係幸福爆棚！雖說得三條好似好少，但每條都非常大和厚肉呢。🏅八爪魚煎餅～邊位煎得香脆，內裏軟嫩，啖啖都食到八爪魚粒的鮮味，完全係必點嘅小吃。🏅驚喜二重奏炸雞香脆惹味，配埋燒熱石板上嘅西冷牛扒，肉汁鎖得岩岩好，兩樣都令人滿足。🏅鮮蝦沙律～清新開胃，蝦肉爽口，腰果脆口，係大餐前嘅好開始。🏅紫菜手抓飯～就係一個好玩同美味的結尾，自己動手混埋食，感覺特別有趣。