影片
更多
2022-01-14
215 瀏覽
一直都好鍾意食印度菜，但係好難搵到朋友陪我食。 難得搵到朋友就上網搵咗間睇落唔錯嘅印度餐廳食。我地先叫咗d前菜食下。其實都要d時間睇下餐牌，因為睇完菜名都唔知係咩，好彩每個菜名下都有少少英文介紹有咩食材。Dahi Golgappe 好得意嘅前菜，佢係一個炸嘅空心麵團，入面係滿滿嘅醬汁，酸酸辣辣，一食落好似飲緊湯咁，入面仲有少少薯仔蓉咁。重口味嘅人應該會鍾意食。可能因為有薄荷青醬嘅關係，食落其實又唔會好滯。好有特色!Tawa Fish呢個魚整得好好食，雖然外面睇落係有少少燶，但食落入面係好滑，魚肉白雪雪，仲有少少濕潤，一d都唔乾。配埋橙綠色嘅青醬同埋辣醬，感覺好開胃。去到主菜，由雞、牛、羊、去到魚蝦，肉類嘅種類多到令人選擇困難症發作。最後睇咗OpenRice推介叫咗一個Punjabi Kukkad Makhanwala。 超！好！食！其實佢係類似butter chicken, 冇諗過會咁好食，朋友食到唔停口。佢個汁一啲都唔辣，好creamy, 蕃茄嘅鮮味令到佢食落好開胃，好啱送薄餅。個雞肉又係好滑，呢一個餸係令到我哋會想再encore依間餐廳。另一個主菜點咗Nalli Nihari佢落咗
我地先叫咗d前菜食下。其實都要d時間睇下餐牌，因為睇完菜名都唔知係咩，好彩每個菜名下都有少少英文介紹有咩食材。
Dahi Golgappe
好得意嘅前菜，佢係一個炸嘅空心麵團，入面係滿滿嘅醬汁，酸酸辣辣，一食落好似飲緊湯咁，入面仲有少少薯仔蓉咁。重口味嘅人應該會鍾意食。可能因為有薄荷青醬嘅關係，食落其實又唔會好滯。
好有特色!
Tawa Fish
呢個魚整得好好食，雖然外面睇落係有少少燶，但食落入面係好滑，魚肉白雪雪，仲有少少濕潤，一d都唔乾。配埋橙綠色嘅青醬同埋辣醬，感覺好開胃。
去到主菜，由雞、牛、羊、去到魚蝦，肉類嘅種類多到令人選擇困難症發作。
最後睇咗OpenRice推介叫咗一個Punjabi Kukkad Makhanwala。 超！好！食！
其實佢係類似butter chicken, 冇諗過會咁好食，朋友食到唔停口。佢個汁一啲都唔辣，好creamy, 蕃茄嘅鮮味令到佢食落好開胃，好啱送薄餅。個雞肉又係好滑，呢一個餸係令到我哋會想再encore依間餐廳。
另一個主菜點咗Nalli Nihari
佢落咗成條羊骨喺入面，肉質嫩滑，羊肉味唔算好重，個燴汁亦都係用咗好多香料，味道濃郁。
包都有好多選擇。我同朋友比較重口味，就揀咗一啲有味多啲嘅包。
Truffle nan
Butter nan
兩款nan都好軟身，新鮮整好熱辣辣。當然truffle nan會比butter nan入味。
從來未喺香港食過，用蕃紅花整嘅雪糕，入面落咗啲果仁同埋開心果，一粒粒咁食好易入口好特別。原本以為印度嘅甜品都會太甜， 可能佢都就咗香港人口味，唔會太甜。
整體來講係好滿意嘅一餐，會再幫襯。
張貼
