湄南 (已結業)

今晚搵食到pop walk ，貪佢無咁多人，好多餐廳都唔使排隊，行過見到依間湄南唔使加一，都幾舒服，就撞入去試下，本身想食圖中的生牛肉河，幅相都幾吸引，但諗諗下次次都生牛肉河，不如今次轉下，最後揀左蕃茄牛腩河，個湯顏色好濃，食落幾好味，酸酸甜甜咁，不過奇在食落無咩蕃茄肉，好似唔多夠蕃茄的感覺，仲叫左個豚肉濱海，唔知係咩黎，所以叫黎試下，其實係好似啲米粉整成一片片，本身諗住係小食，點知份量都幾大，食到勁飽，用菜包住肉同濱海黎食，係好味嘅，仲有海南雞飯，水準之作，油飯不會太油，雞很嫩，不會太肥，整體環境好舒服，人不多又不會太嘈，又唔使加一，可以再黎食過。