食為天京川滬料理 (已結業)

想吃貝殼類產品，這家店午市套餐竟然有豉椒炒蜆！！好開心，我地一家人由午餐開始食到下午茶時間，食埋奶醬多漏華田先至走。忘記影相，菜品相當靚仔，食咗炒蜆（精彩），蠔仔餅，菠蘿咕嚕肉，口水雞，回鍋肉炒年糕（精彩），上海炒年糕。一邊食一邊奇怪點解評分低。根據觀察年紀大的街坊佔多，可能比較少有興趣上app打分。套餐+3 有豆漿，相當大杯而且都幾好飲，推薦。奶茶都好好飲。位置係新光戲院30 米左右。本來想點蟶子，鮑魚（53 一個，最少點兩個），可惜賣晒。有意食呢兩款菜就需要預定啦。睇餐牌有其他幾款菜品都係需要預定，但我忘記咗係乜。我地前一晚預訂咗所以無需等位。我見到基本上無需等位直接入座。