勝手 (已搬遷) 新店位置

早幾日睇天氣報告，話天氣會轉冷，即刻諗起食火鍋！知道勝手有好多報導介紹過，決定同女友試試！即日booking滿左，唯有等多一日，不過無所謂！天氣越凍食鍋物越正！去到見到裡面坐滿人，好彩訂咗位8:30pm，等左一陣，好快就有人交檯! 我估佢一晚做兩轉左右。店鋪細細，得十八個位，但係裝修舒舒服服。我地叫咗個魚湯同埋豬骨湯底，魚湯勁好味！很用心做好呢個signature soup!天氣咁凍，飲啖湯成個人暖晒！牛肉既油花紋分佈平均，入口即融！海鮮亦有幾款，蜆鮮甜！隻蠔就大隻咗少少，可能本人比較喜歡食細size既蠔。我初初要咗飯，而女友就叫咗烏冬，點知佢地供應既烏冬同其他唔同。煙煙韌韌，正！攪到我食晒女友嗰啲要叫過比佢！哈哈！食咗兩個鐘頭，人客仲係源源不絕，食埋個甜品就埋單lu...順帶一提，芝麻醬味道很好，麻香加埋日本豉油，酸酸的，也開胃。