鮨文

營業中

休息中

呢餐飯係早喺疫情之前食嘅，隔咗咁耐而家先po番啲相，主要係因為而家已經好耐冇食過好味嘅壽司，忍唔住睇返啲相相回味一下。當時，同朋友一行三人忍唔住走入元朗，試一試呢間好出名嘅廚師發板壽司舖。呢一間係有朋友推介嘅餐廳，對方一早就預訂咗位置，事關食廚師發板，如果冇約訂位呢，都應該幾難walk in食到。食後分享：1️⃣侍應態度好好，唔拘謹嘅，反而係識得同客人講吓笑，成餐飯食得幾輕鬆。2️⃣負責主理嘅廚師，對於食材、烹調方法都有深入嘅認識，更加會主動同客人講解唔同食物嘅知識，令到用餐嘅體驗加晒分。3️⃣個人覺得，如果食呢一類日本餐，只係想試一試，可以考慮食午餐，性價比高之餘，食物水平一樣有水準。