Outdark (飛達商業中心)

營業中

休息中

餐廳位於飛達商業中心2樓，要上2層電梯先可到達。門口有好萬聖節氣氛嘅裝飾。餐廳有自家調配鮮果酒精飲品，柚子同草莓口味睇落不錯，但要揸車今日就唔飲了。點左兩項食物，分別係串串魚糕湯同埋海鮮炒年糕。海鮮炒年糕上面有，芝士，泡菜，紫菜飯同埋炸魷魚等等嘅配菜，煮個炒年糕用韓式辣醬去炒，每一粒都軟糯又夠辣，煙煙韌韌。🤤 上面個海鮮係魷魚，魷魚炸完之後都仲保持到鮮味，沾上芝士一齊食，真係好邪惡。❤️串串魚糕湯將所有魚糕都變成一串串，我真係好鍾意食煙煙韌韌嘅嘢🤣 上面有啲皇帝菜同埋麵，魚糕湯個湯底好清，飲咗兩碗都唔會好口渴😋魚糕有條狀，有片狀，同埋獅子狗，滿足到我鍾意食唔同口感嘅魚糕嘅願望。