Gyutan Toku牛舌專門店

營業中

休息中

今日經過土瓜灣，同朋友嚟Gyutan Toku牛舌專門店食晚飯。我地7點去到，有幾多人喺出面排隊，我地等左陣先有位。我地點咗極上牛舌定食，紅酒汁煮牛舌定食，明太子雞翼同埋2杯hoegaarden生啤。定食包括有飯素嘅白飯，沙律，茶碗蒸，麵豉湯同埋前菜。極上牛舌燒得好靚，外面燒到焦香，中間肉質粉嫩，配上wasabi同豉油食味道好夾。用紅酒汁煮嘅牛舌煮到好入味，肉質比較腍，用嚟送飯一流。明太子雞翼幾大隻，脹卜卜，外層香脆，入面充滿明太子，十分惹味。我地叫咗hoegaarden嘅蜜桃味生啤，入口有清香嘅桃味，值得一試。整體而言，食物質素幾好，下次會再嚟食。