影片
更多
2021-07-15
119 瀏覽
西餐入面我最鍾意嘅就係意大利菜😋Pasta就係其中一款令人難以抗拒嘅美食❤️今次去嘅呢間Attic Handmade Pasta就可以用合理嘅價錢食到好好味嘅手工意粉。✨5 course dinner set ($548)分量非常多嘅dinner set, 分別有前菜、餐湯、意粉、Main course同埋甜品，我覺得係夠2個人share🤣為左唔好咁awkward 我地就另外單叫多左個意粉。✨Appetizer - 安格斯側腹膜橫肌薄片、阿根廷青醬菜式揀用左牛側腹膜嘅部位，食落口感相對較韌，但由於廚師將牛切得非常薄，好好咁中和左口感上嘅不足。係阿根廷青醬嘅配搭下牛肉嘅香味更加突出，係一道非常唔錯嘅前菜😋✨Soup - 南瓜湯餐湯每日都會有唔同款式，我地當日飲嘅就係南瓜湯。湯煮得非常濃稠，飲落甜甜地咁，都幾好味。✨Pasta - 松露雜菌手打意粉最期待嘅pasta❤️可能因為係dinner set嘅關係，份量唔算多。入口已經有非常濃郁嘅松露香，意粉口感非常彈牙，我同朋友都食到停唔到口😋✨ 蕃茄海鮮手打意粉（$198）我地唔跟set叫嘅意粉，份量就比set嘅意粉多一半左右。意粉用左闊條麵，食落
✨5 course dinner set ($548)
分量非常多嘅dinner set, 分別有前菜、餐湯、意粉、Main course同埋甜品，我覺得係夠2個人share🤣為左唔好咁awkward 我地就另外單叫多左個意粉。
✨Appetizer - 安格斯側腹膜橫肌薄片、阿根廷青醬
菜式揀用左牛側腹膜嘅部位，食落口感相對較韌，但由於廚師將牛切得非常薄，好好咁中和左口感上嘅不足。係阿根廷青醬嘅配搭下牛肉嘅香味更加突出，係一道非常唔錯嘅前菜😋
✨Soup - 南瓜湯
餐湯每日都會有唔同款式，我地當日飲嘅就係南瓜湯。湯煮得非常濃稠，飲落甜甜地咁，都幾好味。
✨Pasta - 松露雜菌手打意粉
最期待嘅pasta❤️可能因為係dinner set嘅關係，份量唔算多。入口已經有非常濃郁嘅松露香，意粉口感非常彈牙，我同朋友都食到停唔到口😋
✨ 蕃茄海鮮手打意粉（$198）
我地唔跟set叫嘅意粉，份量就比set嘅意粉多一半左右。意粉用左闊條麵，食落口感比上一款更加彈牙掛汁😋意粉上加左帶子、青口等配料，味道非常鮮美。
✨Main Course - 法國釀無骨春雞
見好多人main course都係揀呢款法國釀無骨春雞，一定係有佢嘅過人之處🤣雞肉食落非常嫩滑，雞胸肉嘅中間釀左特製嘅薯蓉，令成個味道更加有層次，令人非常驚喜❤️
✨Dessert - 伯爵茶奶凍
由於食得好飽，我地就揀左冇咁heavy嘅奶凍做甜品。食落有非常突出嘅伯爵茶香，再混合左啲花香， 成個口感好creamy😋
張貼
