更多
2024-09-29
195 瀏覽
麻甩雞由幾位年輕既麻甩仔主理,其實佢地一啲都唔麻甩,仲對煮食好有熱誠,響繁忙時間,偶爾幾個老闆會齊齊落場,見佢地忙碌之中,互相挖掘笑料,排緊隊等外賣時,也忍唔住笑出黎。麻甩雞開左大概半年,久唔久加餸都會幫襯佢地,事關唔貴之餘,啲雞真係幾好食幾滑。滿滿雞油香既油飯好好食,下次要加多盒淨油飯先得。天氣咁熱,今日加左個手撕雞冷麵,幾十蚊大大份,青bb既菠菜麵望落已經好醒神,有屋企人原本唔食青瓜,佢居然唔知食緊青瓜,😂😂😂仲話咩麵點解會咁爽既。酸辣鳳爪係另1個每次必點菜式,佢個汁調得啱啱好,唔會酸到搶喉,呢d小食好適合依家食,好醒胃。
張貼