大吉居酒屋 (已結業)

好耐無食過放題啦，今日同朋友一行四人黎左中環呢間大吉居酒屋食餐好嘅！平時食放題通常都喺去旺角銅鑼灣，今次呢間喺中環，位置方便，對於喺中環收工嘅朋友好就腳！食物方面，呢間貴精不貴多，雖然款式唔係特別多，但係款款都好好食！我地覺得佢嘅青咖哩蟹最驚喜，佢嘅咖哩好香好濃，每一份都有成隻蟹。估唔到食日式放題竟然有出色嘅咖哩，連唔食辣嘅朋友都讚不絕口。燒物方面，我地一致認同佢嘅芥末籽燒牛肋肉最好食，甜甜地嘅mustard 同 燒得啱啱好、唔會過硬嘅牛肋肉真係好夾！至於刺身，未必係最頂級嘅魚生，不過款款都好新鮮。佢嘅卷物每款細細件，啱哂一班人樣樣都叫，可以試匀哂。食放題最後當然要食埋甜品啦，我地見到竟然有Haagen Dazs 同 movenpick 雪糕都好興奮，大家雖然已經叫哂飽，都忍唔住一人食左一杯先走 😋總括黎講，呢間放題雖然款式唔係最多，但每款質素都唔錯，係性價比高嘅一間放題！