Chill Vietnam Cuisine and Bar

營業中

休息中

D2 place一向都係會成日去既餐廳，今日再黎發現有間新既越南餐廳即管試一試。一句講晒「平，靚，正」！首先叫左「小食拼盤」$138 有春卷、粉卷、札肉同埋香茅蝦棒，抵食既 樣樣都2件 大大件。之後叫左「馬拉盞炒通菜」$78，屬於中上水平 穩定好食。「燒牛柳沙律」$88，牛柳數量多、大件，呢個價錢絕對接受。全晚令我最驚艷嘅絕對係「桔仔芥露燴虎蝦」$158。雖然150幾蚊得四隻但係隻隻都大大隻，同埋本身出街食海鮮都預咗比較高價錢少少，而呢一個燴虎蝦係絕對抵食，隻蝦本身新鮮爽口已經好基本，個汁係絕對嘅驚喜 椰香味咖喱味同埋最特別嘅係個桔仔少少酸酸甜甜味。食咗一隻之後忍唔住叫咗個油炸鬼嚟送。呢間越南餐廳算係我喺香港比較數一數二食到好味嘅平民越南菜，絕對會再嚟。今次嗌得太多嘢同埋我得兩個人，所以試唔到啲主食，下次過嚟再食。