桔梗 (已結業)

成日聽朋友話旺角有間桔梗，無論野食定餐廳環境都好出色，於是同朋友黎試下晚餐。餐廳面積好大，有二層，桌椅夠多，唔洗等好耐就可以入座。餐牌選擇都幾多，我地最黎選擇左雙人日式套餐，貪佢夠多野食又唔洗點選擇。套餐分左好多小精緻的頭盤前菜同主菜，擺碟好靚，好適合用黎打卡。頭盤前菜有涼拌毛豆、茶漬兩碗、溏心蛋等等。主菜就有燒鮪魚配芥末蛋黃醬：鮪魚無骨，食落有啲似食緊刺身，味道幾特別；香蔥檸檬味噌豬腩肉：豬腩肉配上少少檸檬同味噌，感覺好日式，豬腩肉配味噌原來都幾夾。炒魷魚半明太子醬都好有特色，原條魷魚上面加左好多明太子，唔會韌口又有味道。特別要讚既係套餐入面既甜品，竟然係原個綠茶雪糕蛋糕！好好食，綠茶味好濃，大家黎到一個要試！