酥妃皇后 (侯王道)

營業中

休息中

作為一個經常在九龍城搵食又愛食酥皮蛋撻的人，以往多數會幫襯老牌的豪華餅店，但這間「酥妃皇后」出現後，多少令我有點「移情別戀」。雖然我明白口味是個人化的，沒有絕對的A一定好過B，但我始終覺得的酥皮蛋撻點都勝牛油皮（或曲奇皮）蛋撻一籌，因為製作酥皮的工序複雜及技巧要求程度遠勝牛油皮，可考驗師傅的手藝。而酥妃皇后夠膽以酥皮為主打，應該有D料到。第一樣order的當然是它在宣傳單張所說、有三百六十幾層的原味酥皮蛋撻啦。係咪三百幾層我不敢說（目測應該無），但味道真係唔錯。個皮相當酥化且夠簿身，吃落唔會令人覺得腻。蛋漿滑溜又不會死甜，和同區的「豪華」那種較厚身的酥皮蛋撻比較，可說是各有千秋！不過，榴蓮蛋撻卻是真正的驚喜所在！純用嗅覺，個蛋撻榴蓮味不重。不過，一咬開卻有不少榴蓮蓉在蛋漿底部，令我等愛好durian之人大滿足！看蛋漿顏色似以蛋白為主，但甜度卻較原味酥皮蛋撻為高，但整體來說仍屬味濃而不膩，分數頗高。PS:頗欣賞店內有立食位，還有水供應比你，挺細心。