名人館

營業中

休息中

今日嚟到觀塘食潮州菜，估唔到有驚喜。我哋兩個人嗌咗五樣餸，好食又抵食。黑松露鵝肝流心蛋係餐牌見到就覺得好吸引，凍食嘅流心蛋有好香嘅黑松露醬同鵝肝醬，口感豐富又香口。香麻海蜇平時都好鍾意食海蜇，呢個香麻海蜇份量好多，仲有蘿蔔絲同埋雞絲，食落好香麻油味。例牌滷水鵝片食潮州菜一定要有滷水鵝，我哋嗌咗個滷水鵝片，估唔到例牌嘅份量都咁多。鵝片切得好靚，滷水夠入味，又唔會太鹹，越食越香。下面仲有滷水豆腐，好滑好好味。金絲煎蠔餅另一款必嗌嘅潮州菜就係煎蠔餅，賣相好靚，有好多蠔仔，炸到卜卜脆，又唔會太多炸粉，鍾意食蠔餅嘅一定要試吓。瑤柱蛋白炒飯最後嗌咗個蛋白瑤柱炒飯，飯粒比較乾身，上菜嘅時候熱辣辣，好香鑊氣。下次多啲人嚟食就可以食多啲菜式啦。