菊膳日本料理 (已結業)

一定要推介呢間我心水的餐廳，一個月我會來兩三次，因再唔推介我拍佢會做唔住，唔知係唔係我次次都過咗食晚餐時間先去，次次去都唔駛等位，所以要係度強烈推介，免得我心中的美食好去處又小一個，唔係講笑，生薑燒豚肉飯真是好味(一定要試)，豚肉有汁又煎得好香，飯又一粒一粒，堅正。雞泡魚干勁好味(一定要試)，記得要點一點伴碟的醬，超夾。西京燒銀雪魚好滑(一定要試)，從來未食過咁滑的銀雪魚，都是記得要點一點伴碟的醬，超夾。水密桃乳酸好飲，好夠氣，飲到尾果一淡都有氣，正，內有少量水密桃果肉，正正。