四寶食堂 (已搬遷) 新店位置

今日去左北角攞野，無係度食過野所以都唔知食咩好。咁啱見到附近有間裝修都幾靚既茶餐廳，其實佢裝修一啲都唔似茶餐廳，見佢靚靚地所以就入左去試。店內都好乾淨，新潮，舒服。睇佢個menu都算幾多款式。中式有小菜類，麵類，等等。西餐有扒，焗飯，焗麵包，意粉等等。我叫左個喜哥蔥油豬扒煎蛋飯，件豬扒又大又厚，煎得非常香，加埋啲切到大大粒嘅蔥花簡直絕配，啲蔥花仲特別處理過，所以唔會有草青味。隻蛋煎得非常靚，我本身仲好驚佢地會煎到個黃熟晒佢地仲會比少少沙律菜，我幾欣賞。個飯仲架杯飲品，所以晚餐要$62都幾抵食