新潮樓 (已結業)

芝士蝦球伊麵$128 雖然好飽肚因為好足芝士，但都幾好味，蝦夠脆口，都有好多隻。竹笙北菇燉菜膽 $48 呢個湯清得來好鮮甜，其實飲多幾碗都冇問題。西蘭花帶子$128呢個份量好大碟，好多粒帶子，西蘭花煮得啱啱好，唔會太軟身。燒汁蒜片牛柳粒 $148 個汁超好食，甜甜地嘅蒜片真係冇得輸，牛肉口感都幾好。福果芋泥 $48 我覺得好好食！唔會過甜，口感軟滑，濃濃芋頭味！雖然一碗好filling但停唔到口咁一啖一啖咁食！最鍾意呢度唔會好迫，坐得好舒服！