圓老爺雞煲小廚 (已結業)

今日老豆同我兩個人食飯 偏愛中菜嘅佢梗係要嚟茶餐廳 呢間新餐廳非常爆滿 於是就入去試下閒日都咁多人真誇張 而且客人係源源不絕咁入去 好在上面有閣樓能夠坐到好多人 望見餐牌都有好多特色小菜腐乳椒絲炒通菜 腐乳味道香濃 唔會好鹹 通菜夠新鮮爽脆 有大排檔風味到咗今日重頭戲 海鮮醬蝦蟹雞煲 個雞煲材料非常豐富 原來真係有原隻蟹同埋蝦 加上嫩滑嘅雞肉 蟹肉鮮甜 落咗海鮮醬更加惹味 同時帶出蟹肉質感 份量適中 蝦亦都唔錯 最特別係雞肉 索曬蝦蟹嘅精華 白飯都食到幾碗