影片
更多
2024-10-09
401 瀏覽
今晚同朋友去北角新光戲院睇劇前食晚飯，我朋友提議去食粉麵，佢話附近有間粉麵店，有好特色嘅蝴蝶腩、豬什嘅菜式，仲有自選粉麵，可以一個粉麵選多個餸菜來食。 這間粉麵店叫潮粉，位於北角琴行街5-7號華禮大廈G14-G16號地舖， 港鐵北角站A4出口，行2分鐘就到，非常方便。朋友仲話這間潮粉有自家製辣醬油可以買番屋企食，純手工製作嘅潮粉辣醬及潮式辣油，價錢都唔貴，味道都唔錯。入到店內，唔使睇餐牌，睇到牆上擺放所有食物嘅照片，啲相影得啲食物都幾吸引，枱凳都整齊，令人都坐得舒服，招牌潮粉有七個款式，最吸引人都係特色蝴蝶腩粉，而粉麵嘅選擇都多，有河粉、米線、油麵、米粉、銀針粉、淮山麵，唔想食粉麵仲可以選食菜底，真係有不錯選擇，還有十三款滋味小食，可以襯托碗粉麵來食，再睇晒牆上照片，原來這間粉麵店除咗食粉麵之外，仲有金嘉禾黃油飯四款系列，而早餐同下午茶都有不錯嘅超值優惠。我當然叫特色蝴蝶腩米線，朋友就叫咗招牌豬什銀針粉，叫碗粉食原來都有優惠，加$5就可以叫埋飲品，我哋就叫咗杯奶茶同檸檬茶，而滋味小食就選咗炸一口雲吞和炸魚片頭。好快飲品同小食就來了，炸一口雲吞食落口熱辣辣，外脆內嫩，外皮酥脆，裏邊有鮮嫩
入到店內，唔使睇餐牌，睇到牆上擺放所有食物嘅照片，啲相影得啲食物都幾吸引，枱凳都整齊，令人都坐得舒服，招牌潮粉有七個款式，最吸引人都係特色蝴蝶腩粉，而粉麵嘅選擇都多，有河粉、米線、油麵、米粉、銀針粉、淮山麵，唔想食粉麵仲可以選食菜底，真係有不錯選擇，還有十三款滋味小食，可以襯托碗粉麵來食，再睇晒牆上照片，原來這間粉麵店除咗食粉麵之外，仲有金嘉禾黃油飯四款系列，而早餐同下午茶都有不錯嘅超值優惠。
我當然叫特色蝴蝶腩米線，朋友就叫咗招牌豬什銀針粉，叫碗粉食原來都有優惠，加$5就可以叫埋飲品，我哋就叫咗杯奶茶同檸檬茶，而滋味小食就選咗炸一口雲吞和炸魚片頭。好快飲品同小食就來了，炸一口雲吞食落口熱辣辣，外脆內嫩，外皮酥脆，裏邊有鮮嫩肉味，特別可口，配上酸酸甜甜嘅醬汁，開胃醒神，好有口感，令人不禁一口接一口吃下去。炸魚片頭嘅外皮金黃酥脆，炸至金黃，香氣扑鼻，外層厚皮香口，內裡肉質彈性結實鮮嫩多汁，味道鮮美，炸魚片頭的鮮美口感和酥脆口感非常適合搭，真係一吃就愛上它。
原來蝴蝶腩整塊豬腩攤開來看像蝴蝶展開雙翅的形狀，因此而命名。特色蝴蝶腩米線嘅蝴蝶腩味道香濃，非常惹味，肥瘦相間，肉質軟軟又入味，味道鮮美，肉連橫膈膜，令口感嫩滑，湯底充滿胡椒香味，好配合蝴蝶腩同米線一齊食。而招牌豬什銀針粉嘅豬什有豬肚、豬潤、豬肠、豬肺、豬肉片，食材新鮮，豬什味道鮮香美味，沒有一點內臟膻臭味道，而白胡椒湯更是用心熬煮而成，冇味精味，湯底呈奶白色，味道香濃，腍滑豬什配上胡椒湯同口感滑嫩彈牙嘅頭尾尖銀針粉，十分美味。
這間潮粉好值得推薦俾大家，好食抵食，價錢又唔貴，選擇材料又多，店員服務態度又好，我哋下次一定再來食。
張貼
