潮粉

營業中

休息中

麵店內餐牌見到食物款式不少，有招牌潮粉、自選潮粉區、金嘉禾黃油飯系列、滋味小食、早餐下午茶超值粉面、飲品，店內仲有純手工製作嘅純自家製醬油可以買，有潮粉辣醬及潮式辣油，香辣味超濃郁，價錢又唔貴，值得買返屋企食。 🐌招牌豬什河粉招牌豬什河份裏面有豬肺、豬肚、豬心、豬潤、粉腸、豬肉片，食材新鮮，豬什味道鮮香美味，尤其是豬潤甜香而又不太老，非常出色，豬肺的份量不少，夠爽夠清香，相當可口，豬肚相當爽口，令人吃得過癮，河粉尚帶彈牙口感，胡椒湯更是用心秘製熬煮而成，冇味精味，湯底味道香濃，忍唔住攞隻大匙羹飲晒，十分美味。🐌特色蝴蝶腩米線蝴蝶腩唔係有好多店舖有得食，是牛肚皮的腩位，肉連橫膈膜，肥瘦相間，爽軟不硬，味道香濃鮮美，非常惹味，食落肉質軟滑入味，加上米線爽滑可口，同胡椒湯底夾埋一齊食，非常好食。🐌炸一口雲吞炸一口雲吞外皮酥脆，裏邊有鮮嫩肉味，食落外脆內嫩，加上酸酸甜甜嘅醬汁，令人開胃開心，非常好味，一口一個，好吃到停不下來。 🐌新界菜心新界菜心都好新鮮，煮得唔硬唔軟，爽甜可口，連埋醬汁蠔油一齊食，真係唔錯口味。🐌飲品凍檸檬水同雪碧汽水都係清新解油膩，飲落清爽涼快，好適合食豬什豬腩食品。 這間

潮粉呢間新式嘅粉麵店裝修感覺好清新。同以往嘅粉麵舖完全唔同佢哋用QR code落單，非常之方便今次我嗌咗佢哋嘅招牌豬雜粉，之後再追加咗佢哋嘅牛坑腩同埋蝴蝶腩，另外仲叫多咗個菜心米粉嘅質地彈牙爽滑，完全冇爛冇糊，個湯底有好重嘅胡椒湯味，暖胃得黎又唔會太重口味。最正係啲配料豐富到癲，豬雜樣樣都新鮮兼且火候掌握得啱啱好。講開豬雜，豬心嘅口感特別彈牙，一啖咬落去仲會爆汁，豬肺就軟硬適中，完全冇橡根味。豬腸粉同豬腩片都切得幾薄，食落口即溶。豬腰就醃製得啱味，完全冇臊味。但最出色嘅係牛坑腩同特式蝴蝶腩，兩者都係佢哋嘅特別版本。牛坑腩炆到軟綿綿又唔會爛，而蝴蝶腩原來係豬嘅橫膈膜，兩者都係非常好食配菜嘅新界菜心都幾新鮮，莖位爽脆，葉片軟滑，用少少豉油調味非常鮮甜「潮粉」嘅豬雜粉絕對值得一試，勝在配料夠晒誠意，味道又出色。最重要係間舖衛生環境好好👍🏻

經過北角想食碗面做晚餐，黎左依間潮粉🐱🐱🐱👉🏻 自選粉麵：金錢肚、豬肺、蘿蔔、秘製豬潤搭配米粉，每樣材料都烹調得宜，最impressive 係湯底好香胡椒味同埋內臟比想像中多，是一碗充滿家鄉味的滋味粉麵🐿️👍🏻👍🏻👍🏻👉🏻 松露日本滑蛋牛肉飯：見到日式飯想試下😂😂😂依碗牛肉飯配上松露滑蛋，牛肉鮮嫩多汁，滑蛋香濃綿密， 加埋 香蔥topping 嘅黃薑飯更加香🐱👍🏻👉🏻 金龍燒賣：金龍燒賣 嫩滑彈牙 外脆內嫩， 係經典嘅點心味道 🐿️👉🏻 新界菜心：清炒的新界菜心保留了原汁原味，口感爽脆👍🏻👉🏻 熱奶茶👉🏻 凍奶茶豬內臟唔腥同埋都幾大件依個係最impressive👍🏻主推果然係豬什湯面🐿️🐿️🐿️

潮粉 地址: 北角琴行街5-7號華禮大廈地下G14-G16號舖電話: =====================放工搵地方食飯，是每日最興奮的時刻之一，我會找新地方無食過架餐廳，支持小店豬雜粉$58 我嚴重缺鐵，而家都要食鐵丸，而飲食護士姐姐話可以多食內臟，都可以增加。有肝，，肺，腩串，腰，小腸等味道濃郁，我要了茶底$18 燒賣，成日都忍唔食野，彈牙燒賣，落辣油好好食小食種類多，斬底又豐富，又可以自選餸，人均$75左右！@潮粉

收工突然好想食米線，決定試試新開嘅潮粉。我揀咗坐bar枱，好似日本拉麵店咁，幾有feel，裏面亦都有大枱。店內整潔，通風好，環境ok。餸同粉麵嘅選擇都好多﹐最後嗌咗牛坑腩拼豬潤米線，另外加咗碟香酥雞。上菜之後先發現牛坑腩份量好多，有6大片。湯底係淡淡嘅胡椒味，唔會話濃到覺得辣個種。豬潤有驚喜，處理得好好，唔會腥，咬落係爽口。平時我食連鎖嘅過橋米線，入面啲豬潤我會skip，因為食過覺得好腥，但呢間嘅豬潤完全唔同，值得一讚。枱頭有辣椒醬同榨菜(定係菜脯?) 可以自己加。豬潤點上辣椒醬，香辣嘅味道好夾，然後再飲啖胡椒湯底，補血又暖胃。米線嘅質底比較Q，唔係一夾就碎個種。香酥雞新鮮熱辣炸出嚟，配上泰式酸辣醬，juicy又惹味。整體嚟講我會想再去食，係值得支持嘅小店。見到隔離枱嘅鯪魚球大大粒，下次想試埋

不錯的炸一口香酥雞👍 潮粉 北角琴行街5-7號華禮大廈地下G14-G16號舖 坐港鐵北角站A4出口，步行約壹至兩分鐘門面新潮派粉麵店舖，入到店舖內很休閒，空間感足夠和光線恰到好處👍 店員有禮貌有笑容😁 朋友介紹來這間店，首先來過必食的招牌豬雜粉，第一次叫豬肺、 豬心、豬腰、 腩肉、 粉腸、 豬潤等內藏都很奇妙😁配上很懷念的銀針粉，湯低清甜，😉也很不錯的配搭。 而我朋友也再自選粉麵: 牛坑腩、鯪魚球、魚腐，加淮山麵，當中加日式辣醬很特別。特別牛坑腩很有肉味入口柔軟多汁，不錯👍 炸一口香酥雞 : 炸得金黃色，入口香脆👍 好有雞味，入口多汁。 唐生菜: 新鮮唐菜加上汁底，入口嫩和爽滑 最後，當然餐後飲料: 凍咖啡和凍檸茶完滿的一餐😊的炸一口香酥雞👍 潮粉 北角琴行街5-7號華禮大廈地下G14-G16號舖 坐港鐵北角站A4出口，步行約壹至兩分鐘 門面新潮派粉麵店舖，入到店舖內很休閒，空間感足夠和光線恰到好處👍 店員有禮貌有笑容😁 朋友介紹來這間店，首先來過必食的招牌豬雜粉，第一次叫豬肺、 豬心、豬腰、 腩肉、 粉腸、 豬潤等內藏都很奇妙😁配上很懷念的銀針粉，湯低清甜，😉也很不錯的配搭。 而我朋

牛雜粉就食得多，今天同朋友去一間，位於📍北角琴行街華禮大廈地下的粉麵店＜潮粉＞。餐廳裝修簡單，風格以日式拉麵店作藍本，長吧枱，木枱椅。呢度粉麵有河粉/油麵/米線/米粉/銀針粉/淮山麵等，食材分牛、豬、餃/丸類。豬類有蝴蝶腩、豬腩肉、豬粉腸、豬肺、豬潤、豬心、豬腰等，牛類有牛肉、牛坑腩、牛筋丸。飯類就有，海南雞黃薑飯、松露日本滑蛋牛肉飯等，另有多款小食。🥢招牌豬雜配銀針粉，加配蝴蝶腩奶白湯底，入口順滑清爽，配料有豬腰，豬心，豬腩肉，豬潤， 豬肺等。平時豬肺都係用嚟煲湯，但用嚟作粉麵配料，都較特別，豬肺完全無腥味，口感清爽，蝴蝶腩帶少許筋膜，口感軟腍又帶有質感，再加上香辣的辣椒油， 刺激味蕾，增加食慾。🥢牛坑腩+魚腐+ 鯪魚球淮山麵牛坑腩牛味濃郁，肉質軟化，鯪魚球爽彈，淮山麵爽口，整體清爽好味。🥢一口香酥雞入口熱辣辣，外層炸至酥脆，雞肉仍然多汁鬆化，非常惹味。

今晚同朋友去北角新光戲院睇劇前食晚飯，我朋友提議去食粉麵，佢話附近有間粉麵店，有好特色嘅蝴蝶腩、豬什嘅菜式，仲有自選粉麵，可以一個粉麵選多個餸菜來食。 這間粉麵店叫潮粉，位於北角琴行街5-7號華禮大廈G14-G16號地舖， 港鐵北角站A4出口，行2分鐘就到，非常方便。朋友仲話這間潮粉有自家製辣醬油可以買番屋企食，純手工製作嘅潮粉辣醬及潮式辣油，價錢都唔貴，味道都唔錯。入到店內，唔使睇餐牌，睇到牆上擺放所有食物嘅照片，啲相影得啲食物都幾吸引，枱凳都整齊，令人都坐得舒服，招牌潮粉有七個款式，最吸引人都係特色蝴蝶腩粉，而粉麵嘅選擇都多，有河粉、米線、油麵、米粉、銀針粉、淮山麵，唔想食粉麵仲可以選食菜底，真係有不錯選擇，還有十三款滋味小食，可以襯托碗粉麵來食，再睇晒牆上照片，原來這間粉麵店除咗食粉麵之外，仲有金嘉禾黃油飯四款系列，而早餐同下午茶都有不錯嘅超值優惠。我當然叫特色蝴蝶腩米線，朋友就叫咗招牌豬什銀針粉，叫碗粉食原來都有優惠，加$5就可以叫埋飲品，我哋就叫咗杯奶茶同檸檬茶，而滋味小食就選咗炸一口雲吞和炸魚片頭。好快飲品同小食就來了，炸一口雲吞食落口熱辣辣，外脆內嫩，外皮酥脆，裏邊有鮮嫩

市道艱難，想工搵個地方食碗熱騰騰粉麵，或找便宜一點的茶餐廳小店吃一餐。今天跟朋友來到這一家位於北角的小店，店鋪在老區內街，在大街附近而人流也算多，看到店面整齊乾淨，裡面沒有人，打算支持小店生意。可惜的是味道和環境真的讓人很卻步，作為打工仔70元吃一碗粉但求飽暖，卻看到湯比材料更多，而味道也帶有奇怪的味道，他們的豬雜也很少，而湯頭有豬味18蚊的魚皮也不奢求有多大包，但真的少得可憐，雖然而家舖租貴，但可以有良心少少。朋友點了豬頸肉飯，其實份量都多，但豬頸肉的黑椒太辣，也完全吃不到豬頸肉的味道，飯也偏乾，朋友吃完還要出去再吃東西🥲作為這裏的老街坊，吃慣了老店幾十年，下次還是不敢再嘗試新店鋪，始終粉麵還是傳統的店比較好吃。

北角唔駛60蚊食碗麵真係唔算貴，本身諗住佢地有得食豬什，所以試，一試就覺得完全唔係嗰樣嘢，唔怪得佢哋要推埋早餐同飯餐。而舖頭真係幾細，有兩張大枱，用QR落單，雖然都係內街位置，但係都冇諗過咁迫，四人枱隔離仲要加多張兩人枱黐埋一齊完全冇空間食嘢，帶多個手袋都唔知可以放喺邊，因為非常狹窄，淨係想快啲食完就走。主要食豬什，雖然份量唔算細，但真係好失望，啲豬膶比較乾，未算好難食，因為豬什的湯底真係好緊要，如果整得唔好真係會感受到豬內臟嘅奇怪味，而豬什入面豬肺真係好薄，金邊粉嘅薄身款，食完成個人都覺得有少少腥，作為成年人都完全食唔飽…

街坊, 隨便食個午飯。叫左子薑皮蛋, 海南鷄飯 同 沙爹牛飯。子薑皮蛋 係流心的, 子薑不會太辣。海南鷄飯, 油飯好香, 有椰汁味, 同淡淡既斑蘭味? 附送既湯好解膩。沙爹牛既沙爹好香花生味, 不會過辣。見佢仲有好多小食同麵食。會回頭。

中午想食少些清淡些，見到北角琴行街有家新開的粉麵店，似乎好有特色，有長長的吧台，好似日本拉麵店，就試下啦。有別於普通魚蛋牛腩粉麵，這裡推介豬雜粉豬潤粉，剛好我鐘意食豬潤，正中下懷。看看餐牌，內容都幾特別，粉麵飯都有， 很多小食選擇，店名叫潮粉，不知是否潮州特式呢？第一推介豬潤粉份量十足，豬潤鋪在爽滑的河粉上，還有脆脆的木耳絲，豬潤煮得剛剛好，軟軟的很香，完全沒有豬膻味，食得開心😄滿意。👍無骨海南雞飯想不到有意外收穫，無骨雞肉嫩滑有雞味，皮薄肉多，配油飯，例湯，青瓜沙律，兩種醬料，老公食得飽飽只是＄60。這裡有多種蔬菜選擇，我們揀胡椒湯羅蔔，學斗白菜仔，兩樣都新鮮甜美，中午都有多蔬菜食，真健康。😘😘

43蚊加2外賣 塊包烘底又話要加錢， 我情願你唔好畀我 湯又淡， 我食咗啖自己仲要加鹽 辣椒醬死辣，完全唔香最離譜個豬潤，你竟然切絲，我寧願你畀三塊我都冇咁嬲 杯奶茶可以衰到飲落去好似水咁，