超級無敵車仔麵

營業中

休息中

第一次去食呢一間車仔麵，點知意外地有驚喜。首先佢嘅餸好多，唔係好似其他車仔麵咁樣每個餸得兩件。老闆超級好人，我叫浄腩汁，佢都俾咗好多腩汁俾我，唔會成碗面乾爭爭咁。食咗冬菇、豬皮同埋豬紅，每樣都幾好食。麵底就叫咗烏冬，可能係因為咁所以令到個湯有少少酸。見到佢仲有雜麵，40幾蚊有好多餸超級大碗，好吸引，下次要試吓呢一個。但係呢間舖頭比較細間，建議大家外賣拎返屋企食，如果唔方便嘅話，就唯有喺餐廳入面企住食。