天福軒 (已結業)

上次同師父去九龍灣利苑食飯，極之望，今次師父話事嚟呢間「屋邨酒樓」，反而非常有驚喜，直頭係近年食過最好味中式酒樓。七點到，只有兩三張枱有客，地方闊落。例牌燒鵝雖然叫例牌，但份量好大，四個人食都仲得，新鮮新辣，皮脆肉嫰，油潤飽滿，值得安哥再安哥。蒸扇貝size絕不欺場，成隻碟咁大，滿足 馬介休炒芥蘭一上枱已經香到隔離枱都「聞」到，超級夠鑊氣，而且份量同樣十足另外點咗盅杏汁白肺湯，足一大枱人share, 因此我哋最終要打包總括來說，如果利苑有一星，咁佢應該有三星