開心小敘

營業中

休息中

久唔久都會幫襯呢間位於元朗安興街嘅《開心小敍》，特別係呢度嘅開心豬扒飯，一向都覺得好好食，所以今日又嚟幫襯。同樣亦係嗌咗個開心豬扒飯配豉油汁，飲熱奶茶，盛惠$46。開心豬扒飯賣相都唔錯，兩隻太陽蛋煎得夠靚，豬扒亦都幾大塊。而且有預先稍為切開，方便食用。豬扒香口，不過就冇以前煎得咁香，太陽蛋大隻有蛋味，個豉油汁味道無以前咁鮮，較以往遜息咗少少，雖然仍然屬於好食之列，但整體表現就真係俾以前爭咗啲，希望可以儘快回復以前嘅水準。熱奶茶，味道如一，好飲。