晴の居酒屋 (裝修中)

串燒3 款配湯烏冬嘅晚市套餐 ($208)，首先會有一個餐前小食雞皮餃子同埋沙律/味噌湯，佢嘅雞皮餃子，超級好食，啖啖肉。然後三款串燒方面我哋分別選咗汁燒雞頸肉，雞脾肉同雞軟骨。雞頸肉好有咬口幾好味，而雞軟骨炸得啱啱好，鹹香而且幾脆🥰，另外我哋仲加配左一個30蚊嘅芒果雪芭，用真嘅水果裝住啲雪芭，覺得好正。另外玉子蕎麥麵蕎麥麵醬汁好好味，但我唔知道要點樣夾埋個玉子一齊食🤣🤣🤣仲叫咗雞翼同埋羊扒，同樣味道都唔錯，而且羊扒少少騷，食落幾正，再加埋佢嘅芥末，好夾。