居食屋「和民」 (已結業)

今晚去左創紀之城第五期(即APM) 食日本菜, 原本唸住去xx亭, 但間舖地方較少, 同D 職員態度麻麻, 所以去左和民居食屋(本人從未去過任何和民). 叫左個炒烏冬, 冷麵, 魚生, 3 串雞軟骨, 燒菠菜, 一個唔知咩三紋魚菜捲, 好似係咁上下, 連加一約$300, 3 個人食(2 女1 男), 夠飽. 卡位闊落, 冷氣夠, 侍應態度好, 食物好食, 算新鮮, 烏冬好惹味, 冷麵好彈牙, 有口感, 麵汁味正, 鹽燒雞軟骨一碟3 串只是廿皮(大大串), 魚生OK, 燒菠菜原來有餃子墊底, 幾好食. 反為跟魚生果舊WASABI 唔多掂. 但值得再去.