影片
更多
2015-03-14
1786 瀏覽
早兩星期同幾個朋友去左一間米芝蓮級(好似曾經係)既京川餐廳食，一食個冷盤就已經火起，所以即時打電話比一個好耐好耐無搵既朋友(真係無事不登三寶殿)尋好食既川菜餐廳，佢介紹左呢間比我。我既生活小區都只係o係荃灣區，要過海真係已經一個挑戰，西灣河對我黎講真係好鬼死Q遠囉。不過食完真係唔會後悔亦都唔會嫌煩怕遠。今天同一個好朋友一齊去，我十二點左右去到唔洗等位就入得，我地叫左個雞絲粉皮、京燒羊腩、担担麵、小籠包、乾扁四季豆。由於我同呢位朋友都唔習慣相機食先，所以只係記得影左兩款，筷子拎起左就唔記得再拎起電話影相喇。見諒見諒京燒羊腩: 係頭尾比較乾，中間好嫩好多汁，聞落有膻味但係食落唔係好勁。不過我個會鐘意再膻D。張相已經係比我地食左兩件架喇，所以人少真係要諗下先叫，如果唔係會食唔到其他野。雞絲粉皮: 唔知係咪我唔好彩食好多間都唔好食(米芝蓮果間梗唔洗講，根本唔係粉皮係木薯粉)，呢碟我食第一啖真係叫左出黎。本來我睇佢個醬汁唔似好濃咁以為會唔夠味，但食落口.....我唔識形容，個醬真係唔杰不過味道就好濃，好香炒花生味。出面太多好似溝左水咁，淡某某水NAIL NAIL咁。担担麵: 呢個比我朋友食晒，
我既生活小區都只係o係荃灣區，要過海真係已經一個挑戰，西灣河對我黎講真係好鬼死Q遠囉。不過食完真係唔會後悔亦都唔會嫌煩怕遠。
今天同一個好朋友一齊去，我十二點左右去到唔洗等位就入得，我地叫左個雞絲粉皮、京燒羊腩、担担麵、小籠包、乾扁四季豆。由於我同呢位朋友都唔習慣相機食先，所以只係記得影左兩款，筷子拎起左就唔記得再拎起電話影相喇。見諒見諒
京燒羊腩
$148
112 瀏覽
2 讚好
0 留言
雞絲粉皮
49 瀏覽
1 讚好
0 留言
担担麵: 呢個比我朋友食晒，我淨係食左一啖，味道試唔得太真。担担麵我鐘意食林D，呢個同我想要既林度差少少。
小籠包: 皮夠薄，不過就未算係我食過最好食既小籠包。
乾扁四季豆: 呢個菜無論去度邊都係我飛佛黎既，呢度既都幾好，豆走過油，時間唔會好耐豆身唔會乾爭爭，入面就睇到好嫩口下，味道夠辣但又唔會好咸，唔洗送飯都食得晒一碟。
最後，仲有個甜品送，呢個真係不得了，我朋友話下次要帶個壺黎裝，蕃薯南瓜雪耳紅棗糖水，本來已經好飽架喇，但試左一啖之後，連渣都食晒，兩條友頂到上喉嚨咁走。呢餐勁滿足，不過中午就食得咁勁，真係會有D唔係幾好意思，可能無好餐廳餓得太耐喇。
我一定會再返黎架!!!!!!!
題外話/補充資料：
q
(以上食評乃用戶個人意見 , 並不代表OpenRice之觀點。)
張貼
