三星台菜食堂 (The L. Square) (已結業)

三星台菜食堂一兩年前已經食過呢間，今次睇完杜文澤又想去食多次～絕對推薦大家去食!叫左個麻辣三星麵，有牛筋牛𦟌同埋牛肚，牛筋滑嘟嘟但又唔覺肥膩，牛𦟌比起之前好食左！好淋好夠牛肉味！牛肚有咬口！麻辣唔係太辣但幾香，堂食仲可以再加辣椒醬必食既係酸菜！鋪頭好大方可以任夾酸菜！好好食，唔會太酸亦有少少甜味，但又唔會有果陣菜腥同沙沙地既感覺，忍唔住夾多幾下再叫左杯黑糖珍奶，個黑糖底係幾好飲，夠香，但d珍珠好似未煲得透，有d硬.... 如果d珍珠做好少少就完美啦