麵屋豚豚拍子 x 辛味屋 (已結業)

今日入去係食晚飯。人唔算多，等位等咗5分鐘左右就可以入去。環境算幾大，座位間隔算闊落，燈光充足。我叫咗一個咖喱吉列魚柳飯餐，個餐有嘢飲同沙律。沙律係粟米番茄沙律，配胡麻醬，我覺得個醬可以落多少少。飯方面，個汁份量夠晒撈飯，啖啖都係汁，好正。魚柳炸得唔錯，個皮唔算厚，感覺魚肉幾新鮮無乜雪味。我再加多個自家製餃子。餃子係煎的，size唔算大，但皮薄餡靚，幾有口感。嘢飲方面我無要到麵豉湯，加咗幾蚊飲汽水因為要解辣。