莆田 (荃灣廣場)

營業中

休息中

今日晏晝嚟到位於荃灣廣場嘅莆田食飯，最近莆田就做緊海蠣節，又唔少特色海蠣菜式可以選擇。餐廳空間感十足，裝修好雅致。佢哋嘅海蠣餐牌仲有特價添。海蠣煎呢度菜式充滿蛋香，仲有唔少海蠣，真係鮮味十足。最難得嘅係佢唔會煮得太過油膩，所以都幾容易入口。芋香鴨芋頭煮得好入味，外皮香脆，炸粉唔會太過厚，鴨肉充滿肉香，仲有少少鴨油添。桂花陳皮燉雪梨依一個雪梨煮得好入味，加上有少少陳皮香味嘅點綴，令到成套菜式嘅味道更加豐富。農家擦粉依家個擦粉用上豬骨同埋雞熬製出湯底，入口每一啖都係充滿雞肉嘅香味。加上亦都有唔少嘅餸菜，例如蟶子等等，所以都幾豐富。整體嚟講，我覺得今餐嘅食物都幾有特色，加上價錢又唔貴，所以今日中午都有好多人嚟食。