莆田 (港威商場)

營業中

休息中

今日去咗位於尖沙咀港威商場嘅莆田食飯，適逢聖誕假，莆田都好好生意啊，我哋都等咗一陣位先至有得入去食。最近莆田就推廣緊佢哋嘅海蠣餐牌，包括有海蠣煎，蒜青炒海蠣等。蒜青炒海蠣依家道菜用咗唔少嘅海蠣，海蠣雖然唔算好大隻，但勝在數量較多，肉質都幾飽滿，入口仲有肉汁添。鮑魚紅燒肉紅燒肉口感略為韌，鮑魚就吸收晒成道菜嘅精華，入口爽口彈。原汁焗排骨依家度餸係我全晚最鍾意嘅，非常之有新加坡風味。排骨煮到非常之腍，有胡椒香，入口仲有少少脂肪嘅香味。桂花陳皮燉雪梨呢個甜品我非常之欣賞，用上完個雪梨，入口清甜。加上呢度甜品用咗陳皮調味，令到味道好豐富。整體嚟講，我覺得今餐嘅食物質素非常之好，佢哋新出嘅原汁焗排骨真係好好味。