申子居酒屋

營業中

休息中

今日中午我嚟到位於旺角嘅申子居酒屋食飯，最近呢一間居酒屋就推出緊佢哋嘅午市優惠套餐，只需大約港幣$100 ，就可以有一個午市套餐定食。蓬鬆玉子依個蓬風玉子都幾有特色，餐廳用咗日本蛋去烹調，雞蛋味道香濃，再加上有芝士嘅香味，真係令人食唔停口啊。燒鳥串燒定食依個燒鳥串燒定食味道唔錯，有唔同部位嘅雞肉可以食得到，加上雞肉經過燒過之後，有陣陣嘅焦香味。除此之外，佢依個定食仲配埋麵豉湯，以及其他配菜，令到成個定食都好豐富。壽喜燒定食依個壽喜燒非常之足料，有唔少豬肉片，肉片嘅肉味非常濃郁，好好味。另外，佢仲用上唔少嘅蔬菜去烹調，令到成個定食嘅感覺都比較健康。整體嚟講，我覺得今餐嘅食物質素非常之好，加上最近嘅午市優惠又好吸引，下次有機會我都會再嚟。